Mine tanker og ord

For nokre veker sidan var eg på kurs i Stavanger. Køyrde inn og fann parkering, hadde ganske god tid på meg, så eg hadde gjort nokre ærend fyrst. Eg hadde ikkje vore heime etter skulen, so eg hadde sekk med pc og litt andre greier i bilen. Men til bommerten: Eg fann parkering, betalte for denne, og gjekk til lokalet der kurset skulle vere. Men då eg kom attende til bilen etter tre timar fann eg ut at: “Hey, bilen min e ikkje låst!”

Lurt, sant? Men heldigvis for meg var ingenting vekke! Eg er desidert minst like smart som denne roboten:

Eg var på kino ein sundag, og fann parkering i eit parkeringshus attmed kinoen. Der står det eit flott skilt med kva tid ein skal  betale for å stå der og slikt. På dette skiltet sto noko slikt: “9-01, Alle dagar”, eller noko i den dur. Klokka var over 13:00, så eg tenkte nøgd for meg sjølve at eg slapp å betale parkering. Lurt!

Fleire dagar seinare kom eg på at “Hey, 01 og 13 er jo langt frå det same!” Men heldig som eg er var nok ikkje parkeringsvakta å sjå den dagen! 

- Blir litt mange av desse til tider?

Ei god stund etter hendinga med forvekslinga av bensinlokk/oljelokk kom eg til å gjere noko anna lurt, som eg tvilar på at eg er den einaste som har gjort.. Eg skulle fylle bensin igjen. Igjen. Eg gjorde som eg skulle – putta kortet mitt inni automaten, slo koden – slik ein brukar å gjere. Medan eg sto der kom far min og skulle fylle ei kanne med bensin til bror min. So eg fylte bensin – tenkte ikkje noko meir over det før eg var ferdig og var komen heim. Bommerten? De som veit ørlite, ørlite om bensin veit at det er to typar bensin som er vanlegast – Blyfri 95 og Blyfri 98. Feilen var at eg hadde valt feil type bensin – medan far min sto og såg på(godt gjort?). Atter ei gong måtte min utruleg gode og kjekke far tømma bensintanken min.

Godt gjort, og dette er berre starten på mine “Tekniske flause”.. Eg er utruleg takknemleg for at far min gong etter gong har fiksa opp. Kva eg skulle gjort utan han, det veit eg ikkje.

Nokon andre flinke, tekniske kvinner der ute?

Tenkte eg skulle dela nokre av mine tekniske flause med dykk, noko som i grunnen er ganske morosamt etter kvart. Sidan det er blitt nokre “flauser” etter kvart vil eg oppretta ein kategori med navn “Kvinnfolk og bil”, og eg vil posta dei litt etter kvart.

Ja, eg tenkte å byrja med den fyrste i rekkja.. Eg hadde nett fått mopedlappen, og var særs nøgd med det. Fyrste gonga eg skulle fylle bensin, hadde hatt lappen i ei veke då, så kom eg i skade for å gjera noko utruleg lurt! Eg skrudde opp den eine tanken og byrja å tanke opp, men det som hende då var at det spruta noko blått opp, og det vart fullt med ei gong.. Så eg tenkte “What? Kva er dette?” og så innsåg eg bommerten min; eg hadde nemlig skrudd opp feil tank! Eg kan love deg at far min var utruleg nøgd når eg ringte han litt etter og fortalte at eg hadde fylt bensin på oljetanken.. Kan kanskje og nemnast at han måtte kome og hente meg og skuteren min, for så å tømme oljetanken.. Eg burde kanskje lært allereie då, men det gjorde eg tydeleg vis ikkje?

Fortsetjing følger…